Syse Gard

Syse Gard er ein familiedriven vestlandsgard med livskraft og tradisjon i eit nyskapande gardsmiljø. Gro og Hans som er den femte generasjonen som driv garden, foredlar lammekjøt (pinnekjøt, fenalår, sysekorv og rullepølse) etter gamle tradisjonar (salta og røykt).

I gardsutsalet finn du noko for ein kvar smak; ulike typar syltetøy, hermetisk frukt, eplemost, sider og lammekjøt i ulike former. Alt er dyrka og foredla etter gamle tradisjonar på garden. Det gjev grunnlag for at Syse Gard er eit Economuseum. Kjem du i fruktsesongen, kan du kjøpe med deg nyplukka, fersk frukt.

Det vert heldt omvising for grupper med ein liten smak frå garden for dei som vil nyte lokal mat med fantastisk utsikt.

For lokal, kortreist mat – ta turen innom Syse Gard.