Nygård Camping

Det er kort veg til Geiranger, berre 16 km til Stryn Sommerski, 9 km til Jostedalsbreen Nasjonalparksenter og 3 km til idylliske Hjelle. Det er flott å gå eller sykle på grusveg til Hjelle. Det er 30 km til Stryn sentrum og om lag 38 km til Loen Skylift.

Det er ein fin campingplass for familiar. Her er både leikeplass, trampoline og trøsyklar for barn og vaksne. På Nygård finn du også sparkesyklar, og i gangavstand er det pumptrack og skateramper.

Campingen har eige bakeri og kafé. Her kan du kjøpe fersk bakst til frukost, mellom anna Brix og rykande ferske kanelbollar.

På ettermiddagen og kvelden er det mogleg å kjøpe varm mat. Her får du burger og pommes frites, og ikkje minst den populære pizzaen. Maten blir laga på eige bakeri på Nygård Camping.

Campingen har seks hytter med stove og hems. Alle har dusj og toalett. Hyttene har kjøkken med dekketøy og oppvaskmaskin, kokeplater, kjøleskap, mikrobølgjeomn, kaffitraktar og vasskokar.

Sengetøy og handkle er inkludert i prisen på hyttene. Hyttene har plass til 2–7 personar.

Plassen har som nemnt pub/kafé med eige bakeri. Det er sanitæranlegg med vaskemaskin og tørketrommel, kjøkken med kokeplate, steikeomn, mikrobølgjeomn og vasskokar. Dusjane har dusjautomat.

Det er 16 straumuttak for campingvogner og bubilar.

Velkomne til Nygård camping & Bakst!