Nutheim Gjestgiveri restaurant

Som gamal skysstasjon og hotell har vi tatt imot gjester og vegfarande til gode måltid og triveleg ovarnatting i over 100 år. Du et og drikk godt her, all vår mat er laga frå botn av og ølet bryggar me sjølve. Staden har vore i familiens eige sidan 1917, og hit kom mange av våre fremste målerar for å finne inspirasjon.

Vi er genuint opptekne av mat, og maten me serverer er ærleg og god.

Hjå oss kan du nyte godt varetekne tradisjonar overført frå mor til dotter heile fire gonger. Solveig og Ellen lagar maten frå botnen av, ofte med råvarer frå lokale produsentar.

Ambisjonen er å vera rause, i detaljar og smak - og estetikken finn du ikkje berre på veggane, du finn den også på tallerkane.

Sjølv om nokre av kakeoppskriftene kan daterast attende til før fyrste verdskrig, lar vi oss kontinuerlig inspirere. I menyen vår kan du difor velgje i eit brett spenn av varierte rettar, frå oldemors festgraut til franskinspirert and.

Vi serverar større og mindre lunsjrettar, kaffi og søte saker, kvar dag mellom 12.00 og 18.00, både inne i restauranten og på uteservering med fantastisk utsyn over Flatdal, Skorve, Mælefjell og Lifjell.

Klokka 19.00 opnar vi dørene for kveldens ganenytelse, 4-rettars middag, både til hotellgjester og andre som ynskjer et godt måltid.

Vi har et utval gode vinar, og serverar stolt vårt eige heimebryggja øl, eplemost frå Epleblomsten i Sauherad og espressobaserte kaffedrikkar.

Nutheim bar har alle skjenkerettar.
 

Nyhet! Historisk Måltid

Bli med på ei reise i tid gjennom eit historisk festmåltid med sagn og forteljing, i den gamle prestegarden på Nutheim.
Inspirert av gamle reiseskildringar, naturen og råvarene kring oss har vi komponert ein 7-rettars meny med fakta og fantasi, og drikke som høver. Me dekker opp med vårt finaste servise og pyntar prestegarden til gjestebod. Vårt bunadskledde vertskap tek imot dykk og byr på sagn, skildringar og eventyr i stoger fulle av historie, kunst og handverk frå området. Skulle de ha lyst til å høyre folkemusikk frå området er det mogleg å bestille.
Opplevinga passar grupper frå 10 til 22 personar.

Me tek imot kurs og konferansar, leiarsamlingar, feiringar og venegjengar – kort sagt alle grupper som har sans for god mat, historie og eventyr!

***************************************
Pris per person for festmåltid inkludert overnatting i dobbeltrom med frukost 2 050,-
Pris for enkeltrom med frukost 2 460,-
Drikkepakke 550,- (Øl, vin og dram – 6 einingar)
Alkoholfri drikkepakke 230,-