Furuvins Lodge

Furuvins Lodge er ei stor og komfortabel hytte med 18 sengeplassar, perfekt for storfamilien, vennegjengar eller firma på tur. Hytta ligg øvst i eit hyttefelt, rett ved eit gamalt setermiljø og med Stryn Turløyper sitt fantastiske løypenett rett utanfor døra.

Her får du ski-in/ski-out til Stryn Vinterski og gode moglegheiter for toppturar og friluftsaktivitetar rett frå hytta. Samtidig er det berre rundt 10–15 minutt med bil til Stryn sentrum, med butikkar, kafear og andre servicetilbod. Hydlaparken ligg berre nokre få minutt unna, medan Loen Skylift kan nåast på rundt 20 minutt.

Hytta stod ferdig i 2017 og held høg standard, med praktiske løysingar og smakfull innreiing. Her er det god plass til å vere saman, samtidig som hytta har fleire soner der ein kan trekkje seg tilbake.

Furuvins Lodge har:

● 18 sengeplassar
● Eitt soverom med 180 cm dobbeltseng
● Fire soverom med familiekøyer med 150 cm brei underkøye og 90 cm overkøye
● Sovehems med fire madrassar
● Tre bad
● Badstue og jacuzzi med utgang frå bad og badstue
● Utedusj med varmt vatn ved jacuzzien
● Omtrent 60 m² overbygd terrasse
● Dobbel garasje med direkte inngang til hytta
● Ved-, ski- og smørebod
● Kjølebod for mat
● JKE-kjøkken med integrerte kvitevarer
● Open kjøkken-, spise- og stueløysing
● Vedomn og loftsstove
● Integrert lydanlegg inne og ute
● Loungeområde ved smøreboden
● God oppbevaringsplass ved hovudinngangen

Hytta er godt utstyrt med alt du treng for eit komfortabelt opphald. Kjøkkenet har det du treng for å lage og servere måltid, og det finst også strykejern og strykebrett, barneseng, barnestol og babycall.

I garasjen er det lademoglegheit for elbil med 32 ampere / 400 V.

Furuvins Lodge er eit godt utgangspunkt for både vinter- og sommaropplevingar i Stryn, med naturen og aktivitetane like utanfor døra.