Brevandring på Haugabreen

Gå på blåisen i Jostedalsbreen nasjonalpark

Kjenn på spenninga av å setje foten på den mektige blåisen i Haugabreen. Her får du oppleve breen på nært hald, i trygge rammer saman med erfarne breførarar.

Kor startar turen?

Haugabreen ligg i Stardalen i Jølster, ein lett tilgjengeleg brearm i Jostedalsbreen nasjonalpark. Turen startar ved parkeringsplassen i Haugadalen, og frå første steg får du både vakker natur og fascinerande historier. Guiden deler innsikt om korleis breen har forma landskapet, og du lærer meir om livet og historiene som knyter seg til isen.

Ved brefoten tar du på deg stegjern, hjelm og sele – alt utstyr er inkludert – og blir knytt saman i tau før vandringa på isen startar. På breen møter du glinsande iskrystallar, sprekker og blåfarga isformasjonar. Opplevinga blir tilpassa deltakarane, slik at alle får ei trygg og minnerik ferd på isen.

Kor lenge vara turen?

Turen varer i om lag seks timar, og du treng ingen forkunnskapar for å delta. Det einaste du bør hugse på, er gode fjellsko som støttar ankelen.

Praktisk informasjon

Sesong: Daglege turar mellom juni og august

Varigheit: Ca. 6 timar frå parkeringsplassen i Haugadalen

Aldersgrense: Passar for både ungdom og vaksne med normal fysisk form

Gruppestorleik: Maks 10 deltakarar per breførar

Utstyr: Alt nødvendig sikkerheitsutstyr er inkludert i prisen

Booking: Seinast kl. 19.00 dagen før

For deg som ønskjer ei meir privat oppleving, er det mogleg å bestille eigen guide.