Østerholt

På Østerholt kan ungane gjerne få vera med i fjøset på mjølkinga. Både kaninene, katten og hønene likar å bli kosa og stelt med. Garden ligg nær Østeråa, her har vi kano til utlån. Har du fiskelykke, kan du få både ørret, gjedde, abbor, ål og sutr.

Vi har to hus til utleige. Utleige nr. 22 er eit koseleg raudmåla eldhus på ca 40 m2. Triveleg blåmåla stue i gamal stil med langbord, sofagruppe, fjernsyn og gamal vedkomfyr. Kjøkkenet er godt utstyrt med bestikk og servise, komfyr, kjøleskap og kaffetraktar. Kjøkkenet har ein liten "hems" med sengeplass til to. Soverom med 4 sengeplassar. Dusj/wc.

Hus nr 36 ligg på eige tun.I første etasje er det godt utstyrt kjøkken med oppvaskmaskin, kjøleskap m/frys, komfyr, kaffetraktar, vaffeljern og det som trengst av dekketøy og kjøkkenutstyr. Stor stue med kroneseng, stor spiseplass, gamal grue (ute av bruk) og stor Ulefossomn. Det er også ei lita TV-stue (parabol), WC.
I andre etasje er det også ein koseleg glassveranda som skapt for ei roleg stund med ei god bok!
Utleigehuset har fin utsikt til elva og ein munter bekk i dalsøkket. Ute er det fint tilplanta, overbygd grillplass. På tunet står også eit gamalt eldhus, stabbur og uthus.