Telemarkfestivalen 2026 | Bråten Berg, Solberg, Solberg, Flottorp

Kirsten Bråten Berg, Leiv Solberg, Åsmund Solberg, Johanne Flottorp

Laurdag 8. august 2026

Konsertlåven i Nordbøvegen 10, kl. 15:00 – 16:30

335,- inkl. bill.avg.

Meritterte folkemusikarar frå Agder

Det vert fleire generasjonar med lang fartstid i norsk folkemusikk samla på scena når Kirsten Bråten Berg, Leiv Solberg, Johanne Flottorp og Åsmund Solberg kjem til Konsertlåven. Her blir det tett mellom tidlause folkemusikkslagarar, ordspel, slåttespel og høg allsong-faktor!

Utmerkingane til desse utmerka folkemusikarane, kvar for seg og samla, er både mange og imponerande. Spellemann-prisar, Folkelarm-prisar, Kongens Fortenestemedalje og St. Olavs Orden, for å nemne noko. Under konserten vil publikum få høyre både det kjende og kjære, men òg heilt nye tolkingar av slåttar og stev. Alt ligg til rette for ei fornøyeleg stund i Konsertlåven – ein nydeleg arena med sin nære og intime atmosfære.

Medverkande:

Kirsten Bråten Berg – vokal

Leiv Solberg – gitar, mandola

Åsmund Solberg – gitar, pedal steel gitar

Johanne Flottorp – hardingfele

Velkomen!